Өнөөг хүртэл Монгол улсад харуул хамгаалалтын компаниуд ихэнх тохиолдолд цалин хөлсний бодлогын баримт гаргаагүй. Үүнээс үүдэн цалин хөлсний гэрээнд буруу заалт гаргаснаас болоод цалин хөлсний маргаан гарах эрсдэлд хүрдэг. Цалин хөлсний маргаан нь цалингийн хүлээлттэй холбоотой санал зөрөлдөөн, шударга бус байдал, цалингийн бүтцийн ил тод бус байдал, ажлын байрны нөхцөл эсвэл ажлын хариуцлагатай холбоотой асуудлууд зэрэг янз бүрийн хүчин зүйлээс үүдэлтэй байж болно. Нэмж дурдахад хөдөлмөрийн гэрээ, зах зээлийн стандартыг янз бүрээр тайлбарлах нь ийм маргааныг үүсгэж болзошгүй юм.
Монгол улсын  хувьд цалин хөлсний маргаантай холбоотой кейс: 2023 оны байдлаар цалин хөлстэй холбоотой нийт 496 кейс байна. Улсын хэмжээнд өнөөгийн байдлаар цагдаагийн байгууллагад харуул хамгаалалтын үйл ажиллагаа эрхлэх эрх бүхий 500 гаруй байгууллага, 7500-8500 гаруй хамгаалалтын ажилтан бүртгэгдсэн бөгөөд тэдгээрийн нийгмийн байдал, харуул хамгаалалтын ажилтны цалин хөлсний талаарх зохицуулалт хэрэгжилт сул байгаа нь Монгол улсын хөдөлмөрийн маргаантай холбогдох шүүхийн шийдвэрүүдээс харагдаж байгаа бөгөөд харуул хамгаалалтын ажилтны цалин хөлсний зохицуулалттай холбоотой нэхэмжлэлүүд шүүхээр шийдвэрлүүлэх хүсэлт ирсээр байгаатай холбоотой юм. Тиймээс цаашид харуул хамгаалалтын ажилтны тогтвор суурьшлыг бүрэн дүүрэн хангахын тулд цалин хөлсний судалгааг хийсэн болно.